Category: Kris Aquino

Tearfully announcing resignation kuno.[/caption]Napaaga yata ang semana santa ng mamamayang Pilipino sa mga balita na pumutok nitong nakaraang linggo na kawalang katuturan sa ating buhay ngunit laman ng media.

Ang daming problema. Sobra 60 na Pilipino ang patay sa Sabah at walang paki-alam ang Malacanang. Ngunit ang pinag-usapan sa TV, radio at sa mga diyaryo ay ang gusot ni Kris Aquino at James Yap at Chiz Escudero at Heart Evangelista.

Kung sabagay, napag-aralan na yan na kapag mahirap ang buhay, malakas ang telenobela. Siguro naghahanap ang mga tao ng dibersyun para pampagaan ng kalooban.

Entertainment ang tingin ng taumbayan sa istorya ni Kris at James at Chiz at Heart. Kaya hindi ko alam kung maiiyak o matutuwa sa nangyayari na ito sa atin.

Basta eskandalo sa buhay ni Kris Aquino, bentang-benta yan. Ang pinakahuli ay ang paghingi ni Kris sa korte na hindi papalapitin ang kanyang asawang si James Yap sa kanilang anak na si Bimby, Siyempre, inaprubahan ng korte. Kayo na ang magiging kapatid ng presidente.

Matagal nang hiwalay si Kris at si James. Sinabi ni Kris sa kanyang petisyun na noong Disyembre, tinangka daw siyang akitin at halikan ni James nang bumisita ito sa kanilang anak.

Kadalasan, tumatahimik lang si James sa mga kung ano-anong pinagku-kwento ni Kris sa TV at sa kanyang Facebook at Twitter. Ngunit napuno na rin siguro, nagsalita siya at pinabulaan ang akusasyun ni Kris.

Paalis na daw siya at gusto niya sanag halikan ang anak ngunit ayaw. Kaya sabi niya, “Ayaw talaga ako i-kiss ni Bimby, so pumunta ako kay Kris, hinawakan ko siya rito. ‘Bimb, look o, ki-kiss ko na mama mo…Tapos si Kris biglang nagsabi na, ‘Sinasaktan mo ako.’”

Seduction na yun kay Kris.

Ewan. Ngunit sa magkaibang bersyun, mas naniniwala ako kay James.

Ito ang matindi. Sabi ni James . sabi daw ni Kris sa kanya, “Baka nakalimutan mo, may three years pa yung brother ko.’ Sabi ko, ‘Ganun? Grabe ka naman ang yabang mo.’ Galit na galit siya nun.”

Sa social media, mas maraming kampi kay James. Kinabukasan, nag dolorosa na naman si Kris. Kumpleto and supporting cast na mga kapatid: Ballsy Cruz, Pinky Abellada at Viel Dee.

Inanunsyo niyang nag-resign na raw siya sa kanyang TV shows. Dalawang araw lang ang dumaan, binawi na. Tuloy pa raw ang labas niya dahil tatapusin daw niya ang kanyang mga kontrata.

Bahala ka sa buhay mo, Kristeta. At kami ay magi-enjoy na lang. Gawin na lang naming entertainment ang mga drama mo. Palipas ng oras.

Defend din kaagad kay Kris itong kanyang pinsan na si Bam Aquino na tumatakbong senador. Ganun din ang isa pang senatoriable na si Risa Hontiveros. Ganun bay an sila kapag nakaupo na sa senado? Kampi kaagad sa malapit sa kanila? Kawawa nga talaga ang Pilipino na hindi nila kaalyado.

Ito namang problema ni Escudero at Evangelista na sumali na ang negosyanteng si Roberto Ongpin, isa pang nakakasuka.

Ito ang ating penitensya.

Kung gusto nyo pa lalo ma-aliw, click kayo dito kay Professional Heckler.