Nakakapanghilakbot, nakakagalit, at nakakasuka ang nangyari sa pitong taong gulang na batang babae na hinalay at pinatay nang dalawang menor-de-edad.
Ang isa sa dalawang nanggahasa ay 17-taong gulang at ang isa naman, ayun sa report, ay Grade 5. Kung pitong taon ang batang lalake nang siya ay Grade 1, mga 11-taong gulang ang batang sinasabing Grade 5.
Dahil menor-de-edad ang mga gumawa ng krimen, hindi sila makukulong dahil meron tayong batas na hindi maaring makulong ang mas mababa sa 18 taon gulang.
Ayun sa report noong Pebrero 20 huling nakita ang biktima na si Clariza Pizara mga ika-lima ng hapon sa harap ng isang sari-sari store sa Barangay San Dionisio, Paranaque City.
Nakita ang bangkay ni Clariza na palutang-lutang sa Balitahar Creek sa Barangay San Dionio noong Marso 5.
Nahuli ang dalawang batang lalaki na gumawa ng krimen ay noong Linggo.Inamin nila ang krimen.
Ayon kay Chief Inspector Ferjen Torred, hepe ng intelligence unit ng Paranaque police, dinala ng dalawang batang lalaki si Clariza sa damuhan.
Chief Inspector Ferjen Torred, intelligence chief of the local police.Umiiyak ang batang babae ay sumisigaw kaya nilagay nila sa sako at nilunod sa creek.
Sabi ni Torred kilala daw sa komunidad na palaging humihitit ng solvent ang dalawang batang lalaki.
Sabi ni Torred, itong ganitong pangyayari ay magtulak sa ating mga mambabatas na amyendahan ang batas, Republic Act 9344 (Juvenile Justice Act of 2006).
Ganun din ang paningin ng EngendeRights, isang non-government organization na lumalaban para sa proteksyun ng karapatang pantao ng kababaihan.
Nilalakad ng EngenderRights na ang mga batang lampas ng 12 taong gulang na sangkot sa rape ay dapat pananagutin ngunit i-suspend muna ang pagkakulong hanggang aabot sila sa 18 taong gulang. Dapat rin silang dadaan sa counseling ng Department of Social Welfare and Development.
Maraming krimen na ang nangyayari na sangkot ang mga bata. Sa mga bukas-kotse gang at snatching. Merong nangyari nga noon sa loob mismo ng Camp Crame.
Mukhang nasilip ng sindikato ang RA 9344 kaya ginagamit nila ang mga bata. Marami sa mga kabataang ito ay mahihirap. Walang makain at palaboy-laboy sa kalsada.
Talagang maitim talaga ang kaluluwa at hindi pinapatawad ang mga bata.
Hamon ito ngayon sa ating mga opisyal ng ating bansa, kasama na ang mambabatas, kung paano balansehin ang proteksyun ng karapatang pantao ng mga menor de edad na nagkasala at ang karapatan ng nakakaraming tao o madla sa mapayapa at ligtas na pamumuhay.