Tamang-tama talaga ang pagka-describe kay Gloria ng isang Malacañang in-house writer nang pumunta siya sa Boao, China noong 2004 para sa pirmahan ng ma-anomalyang kontrata ng NBN/ZTE: “Like a thief in the night”. Magnanakaw na nag-ooperasyun sa gabi.
Ngayon hatinggabi ang operasyun.
Lumalabas ngayon ang maraming “midnight” appointment na ginawa ni Gloria Arroyo. “Midnight appointment” ang tawag sa mga tinatalaga ng isang paalis na na presidente.
Mainit ang usapan ng midnight appointment dahil sa magre-retire si Supreme Court Justice Reynato Puno sa Mayo 17. Nakalagay sa Constitution na dalawang buwan bago mag-eleksyun hindi pwedeng mag-appoint ang president maliban nalang kung ang pagkabakante ng posisyun ay makaka-apekto sa siguridad ng bansa.
Dapat mula Marso 11, 2010, hindi na pwedeng mag-appoint si Arroyo.
Kaya lang sinabi ng tutang Supreme Court ni Gloria Arroyo, pwede raw siya mag-appoint ng papalit kay Puno pagkatapos ng May 17.
Ayan, naglalabasan na ang mga bagong appointment ni Arroyo. Ang pinaka-kontrobersyal ay ang sa negosyante na si Alfonso Yuchengco para ambassador sa Germany. Nalaman lang ito ni Ambassador Delia Albert noong Marso 19. Pinakita sa kanya, ang nominasyun ni Yuchengco ay may petsa na Marso 9.
Suspetsa ng marami, anti-date o minani-obra ang petsa.
Ganun din ang nangyari kay Clarence Paul Oaminal, undersecretary ng Dangerous Drugs Board. Nalaman na lang niya tanggal siya nong Marso 19 din. Pinalitan siya ng kakabayan ni Arroyo na si Rommel Garcia, secretary for administration ng DDB. Marso 5 daw ang petsa ng appointment ni Garcia.
Nagkakagulo daw sa National Museum. Pinalitan ni Larry Henares si Antonio “Tony Boy” Cojuangco bilang chairman na wala man lang daw pasabi-sabi. Nagmiting ang bagong board at pinalitan ang director ng National Museum na si Cora Alvina. Ang pumalit at si Jerry Barns, director ng Malacañang Museum.
Ganun din ang nangyari sa Cultural Center of the Philippines kung saan pinalitan ang mga miyembro ng board na nagprotesta laban sa pamba-bastos ni Arroyo sa National Artist award. Ang mga pumalit ay mga kaibigian ni Cecile Alvarez, executive director ng National Commission for Culture and Arts , na ginawa ni Arroyo na national artist kahit labag sa batas.
Sinabi ni Supreme Court Spokesman Midas Marquez na ang desisyun na pwede mag-appoint si Arroyo ng kapalit ni Puno ay para lang sa Korte Suprema. Hindi yun pwede sa ibang posisyun.
Ayan kasi, inabot ang kamay, buong braso ang gusting kainin.
Masiba talaga. Siyam na taon sila sa kanilang inagaw na kapangyarian. Nagpakasarap. Hindi nagsasawa. Ayaw bumitaw.
Wait, there’s more!: Earn money from your blog! Sell link ads and blog your way to the bank.