DILG Secretary Mar Roxas accepts from PNP Board of Inquiry Chairman PDir Benjamin Magalong the copies of the report on the Mamasapano clash during the official turnover on Friday, March 13, 2015. PNP-PIO photo.
Dahil doon nagkandaloko-loko ang operasyon. Umabot 68 na buhay ang nalagas kasama na doon ang 44 na miyembro ng SAF, 18 na miyembro ng Moro Islamic Liberation Front at 6 na sibilyan.
Sa halip na purihin ang BOI sa pamumuno ni Police Director Benjamin Magalong, hepe ng Criminal Investigation and Detection Group, inabswelto pa rin ni Interior Secretary Mar Roxas si Pangulong Aquino.
Ito ang sabi ni Roxas: “Based on what I read, he (Aquino) as the commander in chief correctly and rightly authorized that (Zulkifli bin Hir) Marwan is a target. There is no liability with that. He gave the order to apprehend or to serve the warrant on Marwan and (Basit) Usman. Nothing wrong with that. Trabaho niya ‘yan. In fact, kung hindi niya ginawa ‘yan, may pananagutan ang Pangulo no’n.
“Since Purisima was coordinating directly with relieved Special Action Force commander Police Director Getulio Napeñas, Roxas said “it was up to them to do their jobs well.”
“The President recognized that Director General Purisima was suspended at wala nang kapangyarihan, alam ng Pangulo ‘yan. Kaya nga niya inutos, sabihin mo kay OIC Espina ito, precisely to correct the anomaly that there was somebody suspended in the middle. Eh hindi sinunod utos ng Pangulo eh.”
Tanga. Nag-aral ka pa sa Wharton, tapos hindi ka pala marunong umintindi ng report. English naman yun a.
Hindi madali ang ginawa nina Magalong. Ang kanilang ini-imbestiga ay mga taong may kapangyarihan sa kanilang posisyun. Ngunit nanindigan sila para sa katotohanan.
Tinumbok ng report ang may malaking panangutan sa trahedya: Si Pangulong Aquino, ang dating hepe ng PNP na si Alan Purisima, at si Napeñas.
Sabi ng BOI, binigay ni Aquino ang go signal ng Oplan Exodus sa pagtugis sa dalawang terorista na kanilang nalaman na doon nakatira sa Mamasapano, Maguindanao na teritoryo ng MILF at ang sumipak na Bangsamoro Islamic Freedom Fighters.
Nilabag ni Aquino ang regulasyon ng chain- of- command sa kanyang pakikipag-usap deretso kay Napeñas at initsa-pwera si PNP Acting Chief Leonardo Espina.
Nilabag din Purisima ang suspensyun sa kanya ng Ombudsman sa pagsali sa isang opisyal na operasyon.
Mali din ang pakipag-usap ni Aquino kay Purisima tungkol sa pagpapatupad ng Oplan Exodus dahil suspendido na ang kanyang paboritong hepe ng PNP.
Ito ang iilan lang sa report ng BOI. Pasalamat tayo kay Magalong na talagang nanindigan at nilabas kung anong totoo kahit na taliwas ang kanilang report sa palusot ng Malacañang.
Sa halip na suportahan ni Roxas, na siyang nagsu-supervise ng PNP bilang pinuno ng National Police Commission, pilit pa niyang pinapaikot ang pag-intindi ng report pabor kay Aquino
Kahit ano pang palusot ni Aquino at depensa ni Roxas, panagutan ito ng Pangulo. Siguro hindi ngayon habang sa Malacanang siya dahil hawak niya ang Kongreso. Kapag wala na siya sa Malacanang, malaki ang problema ni Aquino.
Kaya siguro todo depensa si Roxas akala niya mananalo siya kapag dikit siya kay Aquino sa 2016.
Hindi tanga ang taumbayan.