Untouchable?
Ito rin ang tanong ni Sen.Senator Aquilino “Koko” Pimentel III noong Biyernes.
From Inquirer:
Comelec Chair Sixto Brillantes Jr. said the case against Abalos and other co-respondents of Arroyo would be filed next week, after Comelec lawyers are able to untangle some “procedural problems.”
“There is some sort of complication, but it is just procedural. But we are definitely filing against Abalos,” he said.
Noong Nob. 18, yung araw ng Biyernes na minadali ng pamahalaang Aquino ang kaso na electoral sabotage kay Gloria Arroyo, sinabi ni Comelec Spokesman James Jimenez, na kasama si Abalos at si Capt. Peter Reyes , isang intelleigence agent sa Armed Forces of the Philippines,ngunit sa Lunes na isasampa ang kaso laban sa kanya.
Di ba tumakbo si Abalos sa Comelec at nagreklamo bakit daw siya kasama doon pagkatapos pumunta sa ospital. Pero lumabas rin kaagad.
Magta-tatlong linggo na hindi pa rin naisampa ang kaso kay Abalos. Ano ba ang nangyayari?
Sabi ni Pimentel: “Kailangan ipaliwanag ng Comelec kung bakit si Abalos ay hindi pa nakasuhan kahit na marami sa testigo ang nagsabi na siya ang mastermind ng dagdag-bawas noong 2007 eleksyun.”
Nanawagan si Pimentel kay Comelec Chairman Sixto Brillantes na asikasuhin ang pagsampa ng kaso kay Abalos dahil isa siya sa suspected na malaking isda sa dayaan noong 2007 na eleksyun.
“Kahit magdeny ng ilang beses si Abalos na wala siyang kinalaman sa dayaan noong 2007 na eleksyun ngunit hindi pwedeng bale-walain ang testimonya ng witnesses na siya ang nagpalakad ng cheating operations,” dagdag ni Pimentel.
Maala-ala natin na biktima si Pimentel ng dayaan noong 2007 eleksyun. Nalaglag siya sa pang-12 na posisyun sa pagka-senador at si Juan Miguel Zubiri ang nai-proklama. Umabot ng apat na taon ang protesta ni Pimentel at nag-resign lang si Zubiri nag maglabasan ang mga testimonya nina Lintang Bedol, Norie Unas at iba pa kung paano sila nandaya para sa mga senador ni Gloria Arroyo.
Sabi ni Pimentel tigilan na ng Comelec ang pagprotekta ang “kanilang sarili” kung hindi walang pagbabago ang mangyari sa ahensya.
Natakot ba angmarami sa mga taga-Comelec na kapag sinampahan ni Abalos, pati sila maari ring sumabit?
Ang problema pa nito, kakabit ang kaso ni Abalos sa kaso ni Arroyo.
Itong kasong electoral sabotage sa 2007 na eleksyun na siyang ginamit para magkaroon ng warrant of arrest si Arroyo at hindi maka-alis sa bansa ay nakabase sa testimonya ni Norie Unas, administrator ni dating Maguindanao Andal Ampatuan Sr, na narinig niyang sinabi ni Arroyo sa matandang Ampatuan sa isang salu-salu sa Malacañang ilang araw bago Mayo 14, 2007, na kailangan manalo lahat na kandidato para senador ng Team Unity, 12-0.
Sabi ni Unas, dahil sa kagustuhan na yan ni Arroyo, sinabihan ni Ampatuan si Bedol,dating Comelec Maguindanao provincial supervisor, na gagawin ang lahat kahit mandaya para magiging 12-0 ang score para sa Team Unity. Ginawa nga ni Bedol. At siyempre hindi naman maisagawa ni Bedol ang pandaraya para sa national election na walang kasabwat sa national office.
Maliban sa Maguindanao, sabit din si Abalos sa dayaan sa North at South Cotabato ayun sa imbestigasyun ng joint DOJ-Comelec panel.
Hindi pa natin dito pinag-usapan ang 2004 eleksyun ang garapalang pandaraya ni Gloria Arroyo na hanggang ngayon sabi ni Abalos ay hindi raw nangyari.