Kumambyo na ngayon ang Malacañang at pipirmahan na raw ni Gloria Arroyo ang batas na nagbibigay ne exemption sa mga senior citizens sa 12 per cent na Value Added Tax. Pipirmahan na raw ni Arroyo ang btas sa susunod na linggo.
Noong Miyerkoles kasi ng ipinasa ng Kongreso ang batas, sinabi ni Deputy presidential spokesman Gary Olivar na baka raw i-veto ni Arroyo ang batas dahil mga P54.4 million raw ang mawawala sa pamahalaan.
Dios mio, naman walang patawad itong administrasyon ni Arroyo sa huthuthutan. Pati ba naman ang mga matatanda, hindi na pinapalampas. Ano ba naman ang P54.4 milyon sa P1.54 TRILYON (“T”yan ha, hindi Bilyon or Milyon) na kanilang budget.
Kung naghahanap siya ng panggastos sa kanyang programa, hindi ang senior citizens ang kanyang dapat pagdidiskitahan. Hindi na siya kailangan lumayo pa. Pwede niya tingnan ang mga kinurakot niya, at ng mga malalapit sa kanya. Kaunti lang ang P54 milyon na yan. Ilang proyeko lang yan sa Public Works.
Meron tayong batas, Republic Act 7432 na nagbibigay ng 20 porsiyentong discount para sa mga Pilipinong 60 taong gulang o lampas pa. Ito ay para naman ay pagkapasalamat sa kontribusyon sa ating comunidad ng lahat na umabot na sa ganung edad. Ito na rin ay tulong sa kanila dahil alam naman natin na sa pagdating sa ganung edad ay mahina na ang katawan.
Ang discount ay nabibigay sa gamot, sa resturant, pamasahe at iba pang benepisyo.
Ngunit nang ipinatong ng pamahalaan ang 12% VAT, ibinabawas rin yun sa 20% kaya 8 % nalang ang discount na nakukuha ng mga senior citizens. Sabi ni Sen. Pia Cayetano, “Panahon para maibalik man lamang sa mga matatanda ang nararapat para sa kanila.
“ The lolos, lolas, and parents in our families deserve every bit of care and attention. The estimated foregone revenues of P54.4-million is a small loss to government, compared to society’s gains from improved health care and increased purchasing power that our elderly are bound to gain. The lost income is not a compelling reason to deprive our elders of the quality of life they deserve,” sabi ni Cayetano.
Narinig ko si Charito Planas, ang bagong deputy spokesperson ni Arroyo sa programa ni Ted Failon at Pinky Webb sa DZMM. Sinasabi niya na ang VAT ang nagsalba sa ekonomiya kaya kahit daw my krisis pinansyal sa mundo, okay lang tayo. May sinasabi pa syang kailangan ng pamahalaan ang pera dahil sa malaking sira na ginawa ng bayong Ondoy.
Bakit kukunin sa mga senior citizens ang para sa mga biktima ng Ondoy? Malaki ang tulong na binigay ng international community para sa Ondoy. Ano na ang nangyari doon?
Sabi pa ni Planas, huwag daw pangunahan si Arroyo.Sabihin niya yan sa kanyang kasamang si Gary Olivar na nagsabing posibleng i-veto ni Arroyo ang bagong batas.
Sabi ni Fransiskus Kupang, executive director of the Coalition of Services of the Elderly Inc, maliit lang P54.4 milyon para sa kasayahan na mabigigay sa mga lolo at lola.
Isa pa, sabi ni Kupang, ang exemption, kasama ang P500 buwan-buwan na tulong sa mga mahihirap na senior citizens,ay makakadagdag sa kanilang gastusin at makatulong rin sa pagpasigla ng ekonomiya.